Imos festexalo
Veñan todos
Os inocentes
os damnificados
os que berran de noite
os que soñan de día
os que sofren o corpo
os que aloxan fantasmas
os que pisan descalzos
os que blasfeman e arden
os pobres conxelados
os que queren a alguén
os que nunca esquecen.
Imos festexalo
veñan todos
o canalla morreu
acabou a alma negra
o ladrón
o porco
acabou para sempre
hurra que veñan todos.
Imos festexalo
a non dicir
A morte
Sempre o borra todo
Todo o purifica
Calquera día
A morte non borra nada
Fican sempre as cicatrices
Hurra
morreu o cretino.
Imos festexalo
a non chorar de vicio
que choren os seus iguais
e traguen as súas bagoas
acabou o monstro prócer
acabou para sempre.
Imos festexalo
a non pórnos tépedos
a non crer que este
é un morto calquera.
Imos festexalo
a non volvernos frouxos
a non esquecer que este
é un morte de merda.